Mandag 29. desember 2008 klokka 17 går den tradisjonsrike Julefettcupen av stabelen i gymsalen på Jelsa skule. Cupen er av det meir spesielle slaget, då det er påmelding av enkeltspelarar i staden for lag. Laga blir sett saman, meir eller mindre tilfeldig, av arrangørane. Det er 3 spelarar på kvart lag, og ingen krav til stor erfaring for å bli med. Så lenge du går i ungdomsskulen eller er eldre, er du hjartans velkommen til å spela. I tillegg vil me fleske til med tilbod som Xbox på storskjerm, kiosksal, drøs og live bildeoverføring frå gymsalen for dei som ikkje speler. Det er altså ingen grunn til å ikkje komma på Julefettcupen i år.

Påmelding kan skje til Guggedal på 52 79 67 46 eller Nessa på 52 79 68 81 innan 28. desember.

Som kanskje nokon har lagt merke til, har sidene i det siste vore litt nede for telling. Grunnen er at me blei utsett for eit hackeangrep frå Tyrkia og Tyskland av alle stader. Det er ikkje godt å seia kva tyrkarane ville oppnå, men etter det me kan kalla elektroniske spor ser det ut som angrepet var tilfeldig og gjennomførbart på grunn av ein feil i kildekoden. Feilen skal no vera retta opp og systemet er igjen oppe og går. Dessverre er alle brukarane som var registrerte blitt sletta, slik at ein må registrere seg på nytt.

Me oppmodar forsatt fleire til å bidra med stoff til sidene slik at aktiviteten og verdien av sidene kan få ein oppsving!